தனிமை - நான் - இரவு

மணி இரவு 9 ...
"எங்க போற?" - அம்மா.
"சும்மா வெளிய நடந்துட்டு வரேம்மா..." - நான்

இரவில் வெளியில் நடப்பது எனக்கு மிகவும் பிடித்தமான ஒரு விஷயம்

வளர்பிறை நிலவு
குளிர் காற்று
பக்கத்து ஊரின் நிலா
" கனி... உள்ள வா... "
இரவில் மாமரமும் அதன் பூவும்
தவளையின் சப்தம்
அங்கங்கே குதித்து ஓடும் குட்டி தவளைகள்
சுடுகாட்டின் மின்விளக்கு
இருள்
ஆள் நடமாட்டமே இல்லாத தெரு
பவழ மல்லியின் வாசம்
என் கொலுசு சப்தம்
" கனி... சொல்லிகிட்டே இருக்கேன்..."
நிலவின் வெளிச்சத்தில் தெரியும் தென்னைமரம்
காற்றின் போக்கிற்கு ஏற்றவாறு அசையும் கீற்று
என்னுடனே இங்கும் அங்கும் நடந்து வரும் வீட்டு நாய்குட்டி
வெளிச்சம் இல்லாத இடங்களில் 'U turn' அடிக்கும் என் பயம்
ஒழுகிக்கொண்டே இருக்கும் தெரு குழாய்
சிமெண்ட் சாலையின் விரிசல்
( வெளியில் வந்து, இரு புருவங்களையும் தூக்கியபடி )
" கனி... இப்ப நீ, உள்ள வரல... "
"வந்துட்டேன் அம்மா... "
உள்ளே போனதும்
"நடக்கணும்னா ஹால்-ல நடையேன்..."
"?!?!?!?!?!"