மரகதம் தந்த முத்து...

ச்சே...

எனக்கு ஏன் இது தோன்றவில்லை...

எப்போதும் நான் உபயோகப்படுத்தியதையே
அவளுக்கு தரும் எனக்கு,
நேற்று,
திருவிழா கடையில் இருந்து
புது வளையல்கள் வாங்கி வந்திருந்தாள்
எனக்காக...

நீ வெச்சிக்கோ மரகதம் என்றேன்..
எனக்கு எவ்வளவோ தந்து இருக்க,
மறுக்காமல் வாங்கிக்கோ என்றாள்...

குற்றஉணர்ச்சியுடன் பெற்றுக்கொண்டேன்
தினக்கூலி ரூ 50 என தெரிந்தும் ...

நான் கையில் போட்டுக்கொண்டதும்
அவள் முகத்தை பார்க்கணுமே,
இணையில்லா சந்தோசம்...
எனக்கும்...

முத்தை விட விலைமதிப்பற்றவை,
இவையும் ... இவளின் அன்பும்...

நானும் முடிவெடுத்துவிட்டேன்,
வேலைக்கு போய் என் உழைப்பில்
அவளுக்கு புதியதாய் ஏதாவது வாங்கித்தரனும் என்று...